Жил бүрийн оны эхний өдөр БНСУ-ын алдартай дуучин жүжигчдийн үерхлийг зарлаж шуугиан дэгдээдэг “Dispatch” ээлжит хосоо зарлажээ.

Энэ жилийн эхний хосоор “Crash landing on you” киноны гол дүрийн жүжигчид болох Son Ye ji, Hyun Bin нар тодорчээ. Тус олон ангит кино нээлтээ хийсэн өдрөөсөө хойш үзэгчдийг байлдан дагуулсан бөгөөд ойролцоо насны ганц бие хоёр алдартныг болзоосой гэж хүссэн хүмүүс эрс нэмэгдсэн билээ.

Тэд 2018 оноос хойш болзсон гэж цуурхал байдаг ч найман сар өнгөрч буйг хоёр талын энтертайнмэнт албан ёсоор зарласан байна. Тэд боломж олдвол Гангвон муж дахь гольфын талбайд хамтдаа гольф тоглодог байжээ. Энэ оны долдугаар сард Huyn Bin “The Point Men” киноны зураг авалтыг хийхээр Иордан руу явах ёстой байсан бөгөөд Son Ye ji Холливудад анхныхаа “Cross” кинонд тоглохоор бэлтгэлээ базаагаад завгүй байсан тул уулзах цаг зав бага байсан аж.