УИХ дахь Ардчилсан намын бүлгээс УИХ-ын дарга Н.Учралыг ажлаа өгтөл чуулган, байнгын хорооны хуралдаанд оролцохгүй гэдгээ мэдэгдсэн. Өөрөөр хэлбэл аль нэг намын дарга парламентыг удирдах нь зохисгүй гэж үзэж байгаа юм.

Харин УИХ-ын дарга Н.Учрал болон эрх баригч намын зарим гишүүд ийм хуулийн заалт байхгүй тул УИХ-ын дарга ажлаа өгөх шаардлагагүй гэх байр суурийг илэрхийлээд буй. Тэгвэл УИХ-ын үйл ажиллагаа тасалдаж буйтай холбоотойгоор УИХ-ын гишүүн, АН-ын бүлгийн дэд дарга Ч.Лодойсамбуу цахим хуудаснаа "МАН-ын дарга Н.Учрал зүүн тийш байрандаа суу. УИХ ажлаа хиймээр байна" гэж анхааруулжээ.