Өнөөдөр 13:00 цагаас Эх хүүхдийн эрүүл мэндийн үндэсний төв, Монголын Үндэсний бөхийн холбоо хамтран улс, аймаг, цэрэг, сумын цолтой 256 бөхийн хандивын барилдааныг зохион байгуулах гэж байна. Тус барилдаанд Улсын арслан Р.Пүрэвдагва, Улсын заан Б.Бат-Өлзий тэргүүтэй 256 бөх барилдах юм.
Хандивын барилдааны орлогыг ЭХЭМҮТ-ийн Алсын зайн сургалтын төвийг бүрэн шинэчлэхэд зориулна. Мөн азтай үзэгч шалгаруулж авто машин бэлэглэх юм.
