Тэргүүн шадар сайд бөгөөд ЭЗХ-ийн сайд Н.Учрал УИХ-ын даргаар томилогдсон тул түүний оронд ХХААХҮ-ийн сайд Ж.Энхбаярыг шилжүүлэн томилж, УИХ-ын гишүүн М.Бадамсүрэнг ХХААХҮ-ийн сайдаар томилохоор МАН-ын бүлэгт танилцуулсан билээ.

Энэ дагуу өнөөдөр УИХ-ын чуулганы хуралдаанд дээрх саналыг танилцуулж, УИХ-ын гишүүд шинэ сайд нараас асуулт асууж, хариулт авлаа. Энэ үеэр УИХ-ын гишүүн Д.Цогтбаатар "Гоншгиноод байхгүй байлгүй дээ, Ж.Энхбаяр сайд. 1990 оноос хойш улс төрөөс буудаггүй асман лам шиг хэдэн сайдтай боллоо. Дархан руу нүүсэн ХХААХҮЯ газар тариалан, хэдэн үнээгээ хөдөө аж ахуй гээд ойлгочихсон байна" гэв.