УИХ-ын чуулганы хуралдаан үргэлжилж байна. Хуралдаанаар “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” Улсын Их Хурлын тогтоолын төслийг УИХ-аар хэлэлцэх эсэх асуудлыг хэлэлцэж байна. Энэ үеэр Ерөнхий сайд Г.Занданшатар "Татварын болон гаалийн шинэчлэлийг гүнзгийрүүлж, Монгол Улс өрсөлдөх чадвараар дэлхийд эхний 50 орны нэг болно. Бизнес эрхлэгч, хөрөнгө оруулагчдын эрх ашгийг хамгаалж төр хувийн хэвшилтэй өрсөлдөхгүй байх зарчмыг тууштай хэрэгжүүлнэ" гэлээ.