Үндэсний давхар даатгал ХК-ийн Андеррайтинг, бизнес хөгжлийн газрын дарга Б.Батбаяр, Бизнес хөгжлийн ерөнхий менежер Б.Гантуяа нар 2025 оны 8 дугаар сарын 7-ны өдөр Олон улсын зээлжих зэрэглэл тогтоогч “Фитч рейтингс” /Fitch Ratings/ агентлагын Ази номхон далайн Бизнесийн харилцааны менежментийн дэд захирал Жүён Бэктэй уулзаж, санал солилцлоо.
"Fitch Ratings" агентлагаас өнгөрсөн 9 дүгээр сард Монгол Улсын зээлжих зэрэглэлийг B+ хэмээн үнэлсэн. Энэ нь Монгол Улсын Засгийн газрын Шинэ сэргэлтийн бодлогын үр дүнд авч хэрэгжүүлсэн эдийн засаг, санхүү, төсвийн сахилга бат нь “ковид-19” цар тахал, геополитикийн мөргөлдөөний хүнд нөхцөл байдлыг амжилттай даван туулж, эдийн засгийн тогтвортой өсөлтийг хангаж, гадаад нөхцөл байдалд тэсвэртэй орчныг бүрдүүлсэнтэй холбоотой. Тэрээр Монгол Улсад ажиллах хугацаандаа банк санхүүгийн байгууллагуудтай эдийн засгийн өнөөгийн байдал, олон улсын санхүүгийн зах зээлийн нөхцөл байдал, цаашдын чиг хандлагын нөлөөлөл болон цаг үеийн асуудлаар санал солилцох уулзалт хийж байгаа бөгөөд Үндэсний давхар даатгал ХК-тай хамтын ажиллагааг хөгжүүлэх, зээлжих зэрэглэлийн үнэлгээ хийх саналыг тавьсан юм.
Компанийн зүгээс 2 дахь жилдээ олон улсын зээлжих зэрэглэлээ амжилттай баталгаажуулж чадсан талаар дурдаад Засгийн газрын зүгээс төрийн өмчит хуулийн этгээдийн хувьцааг худалдах үндсэн чиглэл баримталж байгаатай холбогдуулан олон улсын хөрөнгө оруулалтыг татахад давхар үнэлгээ хийлгэх буюу тус агентлагын үнэлгээ давуу тал болох боломжтой талаар ярилцлаа.
