Сургуульд явах нь дэлхийн олон хүүхдүүдийн амьдралын энгийн хэв маяг боловч Бангладешт тийм боломж байдаггүй аж. Дөрвөн сая гаруй бага насны хүүхэд гэр бүлээ тэжээхээр ажиллахаас өөр аргагүй болжээ. Тэд ихэвчлэн эрүүл мэндийн асуудал, хөдөлмөрийн мөлжлөгт өртөх эрсдэлтэй байдаг бөгөөд хүүхдийн наад захын эрхээ эдэлж чаддаггүй байна.

Бангладешийн Дакка хотод байрладаг гэрэл зурагчин, сэтгүүлч Акаш тэдгээр хүүхдүүдэд сайнаар нөлөөлөх ажил эхлүүлжээ. Тэрбээр хүүхдүүдийг ажлын хүнд хэцүү хэвшлээс ангижруулж, сургуульд нь оруулахын тулд өөрийн зүгээс хөрөнгө зарцуулсан байна. Ийнхүү түүний дэмжлэгтэйгээр хүнд хөдөлмөр эрхлэхээс татгалзаж, сургуульд орсон хүүхдүүдийн сэтгэл хөдлөм түүхийг баримтжуулсан гэрэл зургуудыг хүргэж байна.  

Тэрбээр, “Бурханы ивээлээр би хөдөлмөр эрхэлдэг 30 хүүхдийг сургуульд элсүүлж, тэднийг маш сайн харж хандаж байна. Тэдний нөхцөл байдалтай танилцахаар гэр, сургууль дээр нь тогтмол очиж байгаа. Хэдэн сарын дараа дахиад 10 ажилчин хүүхдийг сургуульд элсүүлэх боломжтой болно гэж найдаж байна. Би тэдний бүхэл бүтэн боловсролыг бүх насаараа хариуцна "гэжээ.