УИХ-ын гишүүн С.Ганбаатарт холбогдох хэргийн АТГ-аас шалгаж, өнгөрөгч наймдугаар сард шүүхэд шилжүүлэх саналтайгаар прокурорт хүргүүлсэн байдаг. Гэвч өнгөрөгч долоо хоногийн Баасан гарагт түүний Төрийн ордон дахь ажлын өрөөнд гүйцэтгэх ажиллагаа явуулсан гэх мэдээлэл гарсан. Тэгвэл энэ мэдээллийн талаар прокурор Г.Гэрэлтуяа "УИХ-ын гишүүн С.Ганбаатарыг олон удаа дуудсан ч хүндэтгэн үзэх шалтгаанаар ирээгүй. Түүнд ЭХ-ийн 4 зүйл ангиар яллах дүгнэлт үйлдсэн" гэв.
