УИХ дахь Ардчилсан намын бүлгээс чуулганы хуралдааны үеэр нэгэн мэдэгдлийг хийсэн. Тодруулбал өнөөдөр /09.19/ 15.30 цагийн үед АТГ-ын мөрдөгчид Төрийн ордонд орж ирж УИХ-ын гишүүн С.Ганбаатарын өрөөнд бичлэг хийн, гүйцэтгэх ажиллагаа явуулсан гэв. Улмаар төсвийн хэлэлцүүлгээс гурав хоногийн завсарлага авахаар болсон юм.
Тэгвэл эх сурвалжийн мэдээлж буйгаар, УИХ-ын гишүүн С.Ганбаатарын өрөөнд ямар нэгэн гүйцэтгэх ажиллагаа хийгээгүй бөгөөд яллагдагчаар татагдсан тогтоолоо гардаж авахгүй байсан тул тогтоолыг нь өгсөн аж. Энэ талаар АТГ-аас тун удахгүй албан ёсны мэдээлэл өгөхөөр болжээ. Бид энэ талаар эргэн мэдээлэх болно.
