Бямба гарагт АНУ-ын засгийн газар Pfizer/BioNTech компаниудын бүтээсэн коронавирусийн эсрэг вакцинд түргэвчилсэн горимоор зөвшөөрөл олгосон.

Эхний ээлжийн вакциныг энэ амралтын өдрүүдэд АНУ даяар тарааж, вакцинжуулалт Даваа гарагт эхлэхээр болжээ. Түүнчлэн эхний ээлжинд гурван сая хүнийг дархлаажуулах хэмжээний вакцин тараагдахаар болсон байна.

Хүн амын өндөр эрсдэлтэй бүлгийнхэн нэн түрүүнд вакцинжуулалтад хамрагдах ба ирэх оны нэгдүгээр сараас бусад хүмүүсийг хамруулж эхлэхээр төлөвлөжээ.