УИХ-ын гишүүн асан Б.Энх-Амгалан, Ерөнхийлөгчийн Тамгын газрын дарга асан З.Энхболд нарт холбогдох эрүүгийн хэргийг өнөөдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд хэлэлцэж байна.
Энэ үеэр Б.Энх-Амгалангийн өмгөөлөгч "Хоёр үндэслэлээр хүсэлт гаргаж байна. Давж заалдах шатны шүүхээс тогтоол хүчингүй болж, анхан шатны шүүхэд ирсэн. Б.Энх-Амгалангийн хувьд манай үйлчлүүлэгчийн эрүүл мэндийн асуудал байна. Бие нь муу байгаа тул цагдан хорих таслан сэргийлэх арга хэмжээг өөрчилж өгнө үү" гэлээ.
