Монгол Улсад нисэх хүчин үүсэж хөгжсөний түүхт 100 жилийн ойг тохиолдуулан иргэний нисэхийн салбарын ажилтнуудын дунд “Шинэ санаа – шилдэг инновац”-ын төслийн уралдааны 2 дахь шатны шалгаруулалт боллоо. Иргэний нисэхийн салбарын хөгжил, дэвшилд хувь нэмэр оруулахуйц шинэ санаа, дэвшилтэт технологи, инноваци нэвтрүүлэн зардал хэмнэх, нисэхийн болон нисэхийн бус орлогыг нэмэгдүүлэх бодит шийдэл бүхий шилдэг төслийг шалгаруулах, технологийн дэвшил, ирээдүйн чиг хандлага, менежментийн асуудлуудыг тодорхойлох судалгааг шалгаруулан үйл ажиллагаанд нэвтрүүлэх зорилгоор тус төслийн уралдааныг зохион байгуулж байгаа юм.