Дархан аварга Н.Батсуурь Үндэсний их баяр наадмын бөхийн барилдаанд шөвгөрч, наймын даваанд аймгийн арслан цолтой барилдсан Н.Өсөхбаярт өвдөг шороодсон билээ.
Тэрбээр баяр наадмын сэтгэгдлээ хуваалцаж, цахим хуудаснаа "Аавтайгаа хамт наадамд мөн ч олон жил цугтаа наадлаа. Хар нялхааас минь дагуулж “Монгол бөхийг шударга үнэнээр барилд. Дараа нь харамсахгүйгээр…” гэж үргэлж захидаг. “Хүнд бууж өгч болохгүй, аз чинь харина” гэж үргэлж хэлдэг. Шударга зантай Аавтай хүү нь Аавынхаа захиасыг биелүүүлж л явна даа. Намайг дэмжсэн хүн бүхэнд Баярлалаа.
Монгол түмэн минь сайхан наадаарай" гэжээ.
