Монгол түмэнд Салхи Дамбийн дүрээрээ алдаршсан жүжигчин Д.Бямбацогт Монгол Улсын Ерөнхийлөгчийн зарлигаар Монгол Улсын Гавьяат жүжигчин цол тэмдгээр энгэрээ мялаалаа. Түүнд МУГЖ цол олгохыг олон нийтийн зүгээс удаа дараа шаардан, давалгаалж ийнхүү өнөөдөр ард түмний хүслээр Монгол Улсын Гавьяат жүжигчин цол хүртлээ.

МУГЖ цол хүртсэний дараа тэрбээр "Ерөнхийлөгч "Ард түмэн чамаар маш их бахархдаг юм билээ. Хичээгээрэй" гэж хэлсэн. Хамгийн түрүүнд ижий, аав минь бодогдож байна. Надад олонтойгоо яваарай гэж захидаг байж билээ. Намайг дэмждэг Монголчуудынхаа сүү шиг цагаан сэтгэлд баярлалаа" гэлээ.