Монгол түмэнд Салхи Дамбийн дүрээрээ алдаршсан жүжигчин Д.Бямбацогт Монгол Улсын Ерөнхийлөгчийн зарлигаар Монгол Улсын Гавьяат жүжигчин цол тэмдгээр энгэрээ мялаалаа. Түүнд МУГЖ цол олгохыг олон нийтийн зүгээс удаа дараа шаардан, давалгаалж ийнхүү өнөөдөр ард түмний хүслээр Монгол Улсын Гавьяат жүжигчин цол хүртлээ. Тэрбээрр 1976 онд Завхан аймгийн Тосонцэнгэл суманд төрсөн, найруулагч, жүжигчин мэргэжилтэй юм.
Тэрбээр "Ноён солиот", "Ээждээ л үнсүүлэхсэн", "Шарталт" тэргүүтэй олон арван дэлгэцийн уран бүтээлд тоглохын сацуу тайны уран бүтээлд ч мөн олон арван дүрийг амилуулсан жүжигчин юм.
