Найруулагч Ч.Найдандоржид өнөөдөр /2025.07.08/ Монгол Улсын Ерөнхийлөгчийн зарлигаар Монгол Улсын Ардын жүжигчин цол тэмдэг олголоо. Тэрбээр 1982 онд УБИС-ийн кино драмын ангийг Д.Маамхүү, Б.Мөнхдорж нарын удирдлагад суралцаж жүжигчний мэргэжлээр төгсжээ. 1987-1992 онд Беларусийн урлагийн академийг В.А.Раевскийн удирдлагад найруулагч мэргэжлээр суралцаж төгссөн байна.
Түүнийг 2011 онд Монгол Улсын Урлагийн гавьяат зүтгэлтэн цолоор шагнасан юм.
- 1993 онд Худалч эхнэр жүжгээр Соёлын яам, МУАХ-ны шилдэг бүтээлийн шагнал
- 1996 онд “Ромео, Жульетта хоёр” жүжгээр "Гоо марал" шагнал
- 1999 онд “Тамгагүй төр” жүжгээр "Гоо марал" шагнал
- 1998 онд Соёлын тэргүүний ажилтан цол тэмдэг
- 2007 онд “Хориотой жүжиг” жүжгээр “Гэгээн Муза IV” наадмын шүүгчдийн нэрэмжит тусгай шагнал
- 2008 онд “Сарны цагаан цус” жүжгээр “Гэгээн муза V” наадмын шилдэг найруулагч шагнал
- 2010 оны “Гэгээн Муза VII” наадамд “Аянгын бороо” жүжгээр шилдэг найруулагч шагнал
- 2011 онд Намдагийн нэрэмжит шагнал
- 2011 онд Монгол Улсын Урлагийн гавьяат зүтгэлтэн цол тэмдэг
- 2013 онд “Эсрэг дурлал” жүжгээр “Гэгээн Муза X” наадмын шилдэг найруулагч шагналыг тус тус хүртэж байжээ.
