УИХ-ын чуулганы өнөөдрийн хуралдаанаар Монгол Улсын 2025 оны төсвийн тухай хуульд өөрчлөлт оруулах тухай хуулийн төслийн эхний хэлэлцүүлгийг хийсэн. Хуралдааны үеэр УИХ-ын гишүүд төсвийн тодотголтой уялдуулж ЗГ хэрхэн бодлого гаргаж ажиллахыг асууж, Ерөнхий сайд хариулт өгсөн юм.

Энэ үеэр Засгийн газрын хэрэгжүүлэх мега төслүүдийн талаар Ерөнхий сайд Г.Занданшатар хэлэхдээ "14 мега төслөөс ач холбогдлоор нь эрэмбэлж хэрэгжүүлнэ. Эрчим хүчний төслүүдийг эхний ээлжинд эрэмбэлнэ. ЗГ-ын шинэ ордон барих төслийг хойшлуулсан" гэлээ.