УИХ-ын чуулганы хуралдаанаар Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төсөл болон хамт өргөн мэдүүлсэн тогтоолын төслийн эцсийн хэлэлцүүлгийг хийж байна.

Энэ үеэр УИХ-ын гишүүн С.Цэнгүүн "ЭХЯ ажлаа хийж чадахгүй байна. Ард иргэд эрчим хүчний реформоос ганцхан станц барих ажил бус төрийн хүнд суртлыг бууруулах шийдлийг хүссэн. ЭХЯ-ныхан Барилга хот, байгуулалтын яамныхны бэлхэн жишээг аваад хэрэгжүүлээд явчих л даа" гэв.

Түүний асуултад Эрчим хүчний сайд Б.Чойжилсүрэн "Би сайдаар ажиллаж эхэлснээсээ хойш тусгай зөвшөөрлийн асуудал дээр хүнд суртал гаргалгүй ажилла гэдэг шаардлагыг тавьж байгаа. Шаардлагаа биелүүлэхгүй байгаа компаниуд улс төржүүлээд байгаа зүйл бий " гэв.