Байгаль орчин, хүнс, хөдөө аж ахуйн байнгын хороо хуралдаж байна. Хуралдаанаар Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төсөл /Засгийн газар 2025.05.16-ны өдөр өргөн мэдүүлсэн, хэлэлцэх эсэх/ асуудлыг хэлэлцлээ. Энэ үеэр УИХ-ын гишүүн Ц.Идэрбат "Байгаль орчны яамныхан жаахан амьдралтай юм хиймээр байна шүү. Өмнө олгосон баахан лицензийнхээ учрыг олоогүй байж байгаль орчны үнэлгээтэй холбоотой ямар ч амьдралгүй, ард түмнээс тасарсан хууль оруулж ирж байгааг эсэргүүцэж байна" гэв.