УИХ-ын даргын 2024 оны 76 дугаар захирамжаар байгуулагдсан цахилгаан дугуй (суррон), цахилгаан скүүтерийн хэрэглээг зохицуулах талаар санал, дүгнэлт гаргах үүрэг бүхий ажлын хэсгээс өнөөдөр /2025.05.27/ Замын хөдөлгөөний аюулгүй байдлын тухай хуульд, нэмэлт өөрчлөлт оруулах тухай хуулийн төслийн олон нийтийн хэлэлцүүлгийг зохион байгуулж байна. Энэ үеэр ТЦА-ны хэлтсийн дарга, цагдаагийн хурандаа Б.Очирбат "Цахилгаан скүүтер, мопедыг бусдын хөдөлгөөнд саад болгоод гудамд орхичихож байна. Тиймээс ЗОРИУЛАЛТЫН ЗОГСООЛЫГ БИЙ БОЛГОХ ШААРДЛАГАТАЙ" гэв.