УИХ-д суудалтай намын бүлгүүд долоо хоног бүрийн Даваа гарагт хуралддаг. Тов ёсоор өнөөдөр намын бүлгүүд хуралдах ёстой байсан боловч хуралдсангүй. Тодруулбал, Ардчилсан намын бүлэг ирц хүрээгүй шалтгаанаар хуралдаагүй бол МАН-ын бүлэг ч хуралдсангүй. Харин МАН-ын бүлэг хуралдах танхимд “Хүнс, хөдөө аж ахуй, хөнгөн үйлдвэрийн салбарт төрөөс олгож байгаа дэмжлэг, урамшуулал, засгийн газраас хариуцан төлж байгаа зээлийн хүүгийн татаас олголтын байдал, хэрэгжилт’’ сэдэвт ерөнхий хяналтын сонсгол болж байна. Ихэнх гишүүд хөдөө орон нутаг болон гадаад томилолттой байгаа юм.