УИХ-ын даргын 2024 оны 76 дугаар захирамжаар байгуулагдсан цахилгаан дугуй (суррон), цахилгаан скүүтерийн хэрэглээг зохицуулах талаар санал, дүгнэлт гаргах үүрэг бүхий ажлын хэсгээс өнөөдөр /2025.05.27/ Замын хөдөлгөөний аюулгүй байдлын тухай хуульд, нэмэлт өөрчлөлт оруулах тухай хуулийн төслийн олон нийтийн хэлэлцүүлгийг зохион байгуулж байна. Энэ үеэр ТЦА-ны хэлтсийн дарга, цагдаагийн хурандаа Б.Очирбат "Өсвөр насны хүүхдүүдэд замын хөдөлгөөнд оролцох мэдлэг дутмаг байна. 16 нас хүрээд мопед унах боломжтой, 18 нас хүрч жолоодох эрхийн үнэмлэх авч байж мотоцикл суррон унана гэдгийг мэдэхгүйгээр хөдөлгөөнд оролцож байна" гэв.