“Гэгээн муза” академи, Олон улсын театрын институтын Монголын төв хамтран НЗДТГ-ын ивээл дор “Гэгээн муза-18” олон улсын театрын шилдгүүдээ өчигдөр тодрууллаа. Энэ удаагийн драмын төрөлд Монголын урлагийн ертөнцөнд хувь нэмрээ оруулж буй гэр бүл болох найруулагч О.Итгэл, жүжигчин Т.Энэрэл нар "Гэгээн муза" хэмээх нэр хүндтэй шагналын эзэд боллоо.
Тодруулбал, "Про" театрын "Шадар гурван цэрэг" жүжгийн найруулагч О.Итгэл "Шилдэг найруулагч"-аар тодорсон бол тус жүжгийн "Шилдэг эмэгтэй туслах дүр"-ийн шагналыг Констанция Бонасьеийн дүрээр жүжигчин Т.Энэрэл хүртлээ.
