Улаанбаатар хотын захирагчийн ивээл дор, "Монголд зочлох жил"-ийн хүрээнд зохион байгуулагдсан драмын урлагийн шилдгийг шалгаруулах "Гэгээн Муза 17" олон улсын театрын наадам өчигдөр буюу есдүгээр сарын 17-ны өдөр боллоо.
Наадмын шүүгчдийн нэрэмжит цомын эзнээр УДЭТ-ын "Сычуаны сайн хүн" жүжгийн Шэнти- ШуйТа-н дүрээр жүжигчин Т.Хулан тодорсон юм.
Тэгвэл жүжигчин бүсгүйн дараагийн дэлгэцийн уран бүтээл болох "Эмэгтэйн кейс" УСК аравдугаар сарын 13-ны өдөр нээлтээ хийхээр болжээ. Уг УСК-ны найруулагчаар түүний нөхөр зохиолч, найруулагч Д.Галбаяр ажилласан байна.
Мөн жүжигчин Т.Хулан уг кинон дээр гол дүр бүтээхээс гадна продюсероор ажилласан ба түүний продюсерлэж буй 4 дэх кино аж. "Эмэгтэйн кэйс" киноны гол дүрүүдэд МУСТА Т.Хулан МУГЖ А.Цэгмэд, МУСТА Т.Бархүү, МУСТА Э.Батнямбуу, МУСТА О.Долгор нар ажиллажээ.
