Хэрэглээний сагсыг хэмждэг инфляц дөрөвдүгээр сард өмнөх сараас 0.3 хувиар, өмнөх оны мөн үеэс 8.6 хувиар өссөн дүнтэй гарлаа. Сарын инфляц сүүлийн долоон сарын хугацаанд хамгийн бага дүнгээр өссөнөөр жилийн өсөлтөд үзүүлэх нөлөөлөл нь саарч хоёр оронтой тоо руу оров.

Хэдий инфляц саарсан дүнтэй болов ч өнгөрсөн оны мөн үед 5.7 хувиар өсөж байсан үетэй харьцуулахад 2.9 нэгж хувиар чангарсан дүн болж байна.

Энэ оны гуравдугаар сард улсын хэмжээнд хэрэглээний үнийн индекс 9.1 хувь, Улаанбаатарт 10.1 хувиар өссөн нь сарын дотор 0.7 нэгжээр чангарсан дүн болсон. Үүнд он гарснаас хойш импортын барааны үнийн өсөлт голчлон нөлөөлсөн бөгөөд хүнсний бус импортын бараа буюу хувцас, бөс бараа, гэр ахуйн бараа, автомашины тээврийн импорт жин дарсан нь нөлөөлж байв. Харин дөрөвдүгээр сард хэрэглээний үнийн индекс буюу инфляц 8.6 хувиар өсөхөд бензин, түлшнээс бусад импортын бараа 2.1 нэгж буюу 29.8 хувь, мах, хатуу түлшнэс бусад дотоодын барааны үнэ 5 нэгж буву 58.1 хувиар өссөн нь тус тус нөлөөлжээ.