Өчигдөр уран эсэргүүцэгчид “Бадрах Энержи“ ХХК-ийн Гүйцэтгэх захирал Марк Мелеардын биед халдаж, танхайрсан хэрэг гарсан. Эл хэрэгт шалгалтын ажиллагаа хэрхэн явагдаж байгаа талаар ЦЕГ-ын хэвлэл мэдээллийн төвийн ахлах мэргэжилтэн, хошууч С.Баярбилэгээс тодруулахад "Бадрах Энержи“ ХХК-ийн Гүйцэтгэх захирал Марк Мелеардын биед хохирол учирсан эсэхэд шинжээчийн дүгнэлт гаргуулахаар хандаад байна. Үзэл бодлоо илэрхийлэх явцдаа хүний биед халдсан үйлдэлд зөрчлийн шинжтэй гэмт хэргийн нөхцөл байдал тогтоогдож байгаа учраас шалгалтын ажиллагаа явуулж байна" гэв.