"MEC" судалгааны байгууллагаас сар бүр улстөрчид болон улс төрийн намуудын рейтинг хэрхэн өөрчлөгдсөн талаар судалгааны дүнг танилцуулдаг. Тэгвэл дөрөвдүгээр сарын судалгааны дүнг танилцууллаа.

Тухайлбал, нийслэлийн Засаг дарга Х.Нямбаатар, Ерөнхий сайд Л.Оюун-Эрдэнэ нарын рейтинг тус бүр 0.1 хувиар өссөн байна. Тодруулбал Х.Нямбаатарын рейтинг өсөхөд:

-ТҮЦ-үүдийг нүүлгэж байгаа, гудамжинд удаан зогссон автомашинуудыг цэгцэлж байгаа, замын түгжрэлийг бууруулахад анхаарч байгаа гэх шалтгаанууд нөлөөлжээ.

Харин эсрэгээрээ түүний рейтингээс хойш татаж буй хүчин зүйлсийг нэрлэбэл:

-Татвар нэмсэн, түгжрэл, Сэлбэ голд өндөр бетонон далан барьж байгаа, автомашины дугаар олгохгүй байгаа явдал нөлөөлсөн байна.

Тэгвэл Ерөнхий сайд Л.Оюун-Эрдэнийн рейтинг өсөхөд:

-Мега төслүүдийг хэрэгжүүлж эхэлж байгаа, стратегийн ордуудын өмчлөл, авлигын эсрэг ажиллагаа, эдийн засгийг сэргээх бодлого зэрэг нь нөлөөлжээ.

Харин эсрэгээрээ өргөн хэрэглээний бараа бүтээгдэхүүн, цахилгааны үнийн өсөлт, татвар, зээлийн хүү нэмэгдсэн явдлууд түүний рейтинг илүү өсөхөд саад болжээ.