Онцгой байдлын ерөнхий газраас Мал эмнэлгийн ерөнхий газарт Гамшгаас хамгаалах команд штабын сургуулийг зохион байгуулж байна. Энэ сарын 28-ны өдрийг хүртэл үргэлжлэх энэхүү сургуулийн үеэр зэрлэг амьтан, нисдэг шавжаар дамжин хил дамнан орж ирэх гоц халдварт өвчнүүдийн эрсдэл өндөр байгааг ОБЕГ-ын тэргүүн дэд дарга бөгөөд штабын дарга, хурандаа Ц.Ганзориг яриандаа онцлов. Тиймээс мал эмнэлгийн байгууллагын бэлтгэл бэлэн байдлын дээшлүүлэх, хариу арга хэмжээг зөв оновчтой төлөвлөх, нэгдсэн удирдлага зохицуулалтаар хангах цогц тогтолцоог бүрдүүлэх шаардлагатай байгаа тул энэхүү сургуулийг анх удаагаа зохион байгуулж байгааг дурдсан юм. Яг одоо сургалт үргэлжилж байгаа юм.