Өнөөдөр дэлхийн ойн өдөр тохиож байна. Үүнтэй холбоотойгоор ЦХХХ-ны сайд Ц.Баатархүүгийн санаачилгаар E-Mongolia системд нийслэлчүүд хашаандаа тарьсан модоо бүртгүүлж, ургуулсан бол урамшуулал авдаг болох үйлчилгээг ирэх 4 дүгээр сарын 1-нд нэвтрүүлэхээр ажиллаж эхэлжээ.
Энэ талаар тэрбээр "Мод тарьсан гэж нүх үлдээх биш ургуулж чадсан нь урамшуулал авдаг болно. Бид өнөөдөр тарьсан болон ургуулсан модоо бүртгэж чадахгүй байна. Улаанбаатар хотын ногоон байгууламжийг нэмэгдүүлэхэд иргэдийн оролцоо маш чухал" гэв.
