Ноорог.мн сайтад өнгөрсөн шөнө хойшлуулшгүй ажиллагаа явуулж, ажилчдын утас, хард зэргийг хураан авсан. Тэд энэ талаараа дөнгөж сая Кибер гэмт хэрэгтэй тэмцэх газрын гадна мэдээлэл өгсөн юм. Энэ үеэр болж буй үйл явцтай холбоотойгоор УИХ-ын гишүүн С.Цэнгүүн өөрийн байр суурийг илэрхийллээ. Тэрбээр "Нэг редакц үндэсний эв нэгдлийг бусниулах хэмжээний үйл ажиллагаа хийнэ гэдэгт итгэх аргагүй. Манай улсад ДАРАНГУЙЛАЛ тогтож байгааг харуулсан нэг үйл явц нь Ноорог.мн сайтын залуусыг шалгаж буй явдал болж байна" гэлээ.