Цаг агаарын тав хоногийн /2025.03.18-22/ урьдчилсан төлөвөөр ихэнх нутгаар дулаарч + градус руу шилжиж байна. Агаарын температур өдөртөө 0..+12 хэм хүртэл, говийн бүс нутгаар өдөртөө +13...+18 хүртэл дулаан байх төлөвтэй байна.
Тодруулбал, энэ ням гараг хүртэл ихэнх хугацаанд хур тунадас орохгүй, өдөртөө дулаарч голын ай сав газраар өдөртөө 0...+5 хэм бол говийн бүс нутгаар өдөртөө +13...+18, бусад нутгаар өдөртөө +7...+12 хэм дулаан байх төлөвтэй байна.
Харин Увс нуурын хотгор, Завхан голын эх, Тэс голын хөндийгөөр шөнөдөө -25...-30 градус, өдөртөө -10..-15 хэм хүйтэн байх төлөвтэй байгаа юм. Мөн Дархадын хотгор, Монгол-Алтай, Хангай, Хөвсгөл, Хүрэнбэлчир орчим, Идэр, Туул, Тэрэлж, Халх голын хөндийгөөр шөнөдөө -13…-18 градус хүйтэн, өдөртөө 0...+5 хэм дулаан байх төлөвтэй байна.
Цаг агаарын төлөвийг харвал, говийн бүс нутгаар зуны төлөвт шилжиж байгаа бол бусад нутгаар хаврын урин цаг ирж байна.
