Үндэсний статистикийн хорооноос энэ сарын 11-ний байдлаарх өргөн хэрэглээний бараа бүтээгдэхүүний үнийн статистик мэдээллийг танилцууллаа. Тухайлбал, хонины ястай махны үнэ 1.1 хувиар өсөж 16981 төгрөгт хүрсэн бол үхрийн ястай махны үнэ 19992 төгрөг болж 0.9 хувиар өссөн байна.
Мөн 1 кг сонгины үнэ 1.2 хувиар, 1 литр сүүний үнэ 1 хувиар тус тус өсжээ. Харин ямааны ястай махны үнэ 2.7 хувиар буурсан бол бусад бараа бүтээгдэхүүний үнэ тогтвортой байна.
Тэгвэл орон нутгийн тухайд хонь, үхэр, ямааны махны үнэ 0.6-2.6 хувиар өссөн бол сүү, цагаан будаа, элсэн чихрийн үнэ 0.2-0.9 хувиар өсжээ. Харин боодол өвсний үнэ 5.3 хувиар буурсан байна.
