Боловсролын сайд П.Наранбаяр ЭЕШ-ын журамтай холбоотой болон өөрчлөлт орсон зарим журмуудын талаар мэдээлэл өглөө. Тэрбээр "2026 онд өөрчлөгдөж байсан ЭЕШ-ын журмын өөрчлөлтийн хэрэгжилтийг 2028 он хүртэл хойшлуулж байна. Хоёрдугаарт, 10 дугаар ангид орж ирж буй хүүхдүүдэд монгол хэлний босго шалгалтаа өөрийнхөө боломжтой үедээ өгч болох боломжоор хангаж байна" гэлээ.

Энэ талаар БҮТ-ийн дарга Г.Гантуяа "10-11 дүгээр ангийн хүүхдүүд 4 дүгээр сарын 17-19-нд болох ЭЕШ-аар монгол, хэл бичгийн шалгалтаа өгч болно. Хэрэв босго оноогоо хангавал насан туршдаа энэ дүнгээ ашиглаад явах боломжтой" гэлээ.