Засгийн газрын 178 дугаар тогтоолын дагуу гамшгаас хамгаалах бүх нийтийн бэлэн байдлын зэрэгт шилжсэнтэй холбогдуулан Нийслэлийн Засаг дарга захирамж гаргасан билээ. Үүний дагуу дараах 13 салбарын хүмүүс ажиллах зөвшөөрөлтөй байна.
Гамшгийн хуульд заасан бүх нийтийн бэлэн байдлын үед ажиллах стратегийн гол салбарын ажилчид гадуур явахдаа биеийн байцаалт, ажлын үнэмлэхтэй явах шаардлагатай болох юм. Стратегийн гол салбарт, хүнсний дэлгүүр, супермаркет, хүнсний зах, шатахуун түгээх станц, эмийн сан, эмнэлэг, усны худаг, эрчим хүч, дулааны цахилгаан станц, хэвлэл мэдээлэл, харилцаа холбооны байгууллага багтана. Мөн буяны ажил болон хот хоорондын хүнс тээвэр багтаж байна.
