Сагсан бөмбөгийн дээд лигийн БҮХ ОДОД-ын тоглолтод оролцох тамирчдын нэрс зарлагдсан. Энэ удаагийн бүх оддын тоглолтын бүрэлдэхүүнд Т.Санчир, У.Дөлгөөн, Б.Билгүүн, М.Өлзий-Орших тэргүүтэй 28 тамирчин сонгогдсон юм. Гэвч Б.Билгүүн дөнгөж сая өөрийн цахим хуудсаараа дамжуулан бүх оддын тоглолтод оролцохгүй гэдгээ мэдэгджээ.

Тодруулбал тэрбээр, "Сагсан бөмбөгийн дээд лигийн БҮХ ОДОД - 2025 намайг дэмжиж санал өгсөн та бүхэнд баярлалаа. Миний хувьд энэ жил бүх оддын тоглолтод сонгогдох хэмжээний тоглолт үр дүнг хараахан үзүүлж чадаагүй мөн бага зэрэг бэртлийн асуудалтай байгаа тул өөрийн хүсэлтээр нэрээ татаж байна аа. МСБХ болон Лиг зохион байгуулагчид маань хүсэлтийг минь хүлээн авна гэж найдаж байна" гэжээ.