Нийслэлийн эрүүл мэндийн эрдэм шинжилгээний хурал энэ сарын 28-нд болно. Тус хурал нь анх удаа эко хэлбэрээр зохион байгуулагдах бөгөөд цааснаас татгалзаж байгаа аж. Тухайлбал, хурлын үеэр хэрэглэгдэх урилга, эмхэтгэл, мандат, хөтөлбөр гэх мэт зүйлсийг бүгдийг цахим хэлбэрээр хийхээр бэлтгэсэн байх гэнэ.

Хурал нийслэлийн эрүүл мэндийн салбарын бүх эмч, эмнэлгийн мэргэжилтэн, эрдэмтэн судлаачдад нээлттэй гэдгийг албаныхан хэллээ. Тус хурал нь Нийслэлийн түргэн тусламжийн төвийн 90 жил, Хан-Уул дүүргийн нэгдсэн эмнэлгийн 40 жилийн ойн арга хэмжээний хүрээнд зохион байгуулагдаж байна.