Инновац, цахим бодлогын байнгын хороо өчигдөр хуралдсан. Хуралдаанаар Хилийн чанад дахь Монгол иргэдийн төрийн цахим үйлчилгээний И-Монгол системийг ашиглах боломж, цахимаар сонгуульд оролцох эрхийг хангах талаар Сонгуулийн ерөнхий хорооны дарга, Үндэсний дата төв болон И-Монгол академийн захирлын мэдээллийг тус тус сонссон юм.
Энэ үеэр УИХ-ын гишүүн Ж.Галбадрах "Сонгууль бүрээр “царцаа” гэх асуудал хөндөгддөг. Сонгуулийн процесс цахимжсанаар энэ асуудал дээр өөрчлөлт гарах уу" гэж тодрууллаа. Түүний асуултад СЕХ-ны дарга П.Дэлгэрнаран "Сонгогчдын нэрсийн жагсаалтын бүртгэл цахимжсанаар “царцаа” гэх ойлголт автоматаар алга болно. “Цахим царцаа” гарч ирэх боломжгүй" гэж хариулав.
