УИХ-ын чуулганаар Монгол Улсын Засгийн газар болон Монгол, Францын хамтарсан “Бадрах Энержи” ХХК-ийн хөрөнгө оруулагч Орано Майнинг С.А.С компани хооронд байгуулах Хөрөнгө оруулалтын гэрээний төслийг зөвшилцөх эсэх асуудлыг хэлэлцэж байна. Энэ үеэр ОУ судлаач Д.Баярхүү "Монгол Францын хамтын ажиллагаа ураны салбарт орж ирж байгаа нь манай улсын гадаад бодлого, геополитикийн хувьд онц ач холбогдолтой. Францтай ийм дотно хамтын ажиллагаанд орчихвол цаашид Монгол Улс гуравдагч хөршийн хөрөнгө оруулалтыг татах бүрэн бололцоотой" гэв.