Хүнс, хөдөө аж ахуй, хөнгөн үйлдвэрийн яам нийт 118 сая төгрөгөөр гэр худалдан авах тендер зарлажээ. Тодруулбал уг тендер нь хоёр багцтай байх бөгөөд эхний багцад нэг бүр нь 6.8 сая төгрөгийн үнэ бүхий улаан халз бүхий таван ханатай иж бүрэн гэр 10 ширхэг байх бол хоёр дахь багцад нэг бүр нь 5 сая төгрөгийн өртөгтэй энгийн таван ханатай иж бүрэн гэр 10 ширхэг байх аж.

Дээрх зардлыг улсын төсвөөс бүрэн гаргах бөгөөд гэрүүдийг дотоодын үйлдвэрлэгчээс авах юм байна.

Тендерийг материалыг энэ сарын 29-ний 10.00 цаг хүртэл хүлээн авч, 10.10 цагт тендерийн нээлтийг зохион байгуулахаар тусгажээ.