Төрийн болон орон нутгийн өмчит компаниудын менежментийг сайжруулж идэвхгүй компаниудыг татан буулгах асуудал яригдаж буй.
Тодруулбал, хуулийн төслийг боловсруулах ажлын хэсгийг ЗХЭГ-ын дарга Н.Учрал хариуцаж байгаа юм. Тэрбээр "Өнөөдрөөс эхэлж төрийн болон орон нутгийн өмчит компанийн тухай хуулийн төсөлд иргэдийн санал авч эхэллээ. Төрийн болон орон нутгийн өмчит компанийн тухай хуулийг баталж байж 20 жил яригдсан төрийн өмчийн реформыг бүрэн утгаар нь хэрэгжүүлнэ. Алдагдал нь ашгаа давсан төрийн өмчит компаниудад хөндлөнгийн олон улсын аудит оруулна. Гарсан дүгнэлт, зөвлөмжид үндэслэн Засгийн газраас ТӨК-иудыг нэгтгэх, татан буулгах ажлыг эрчимжүүлнэ" гэлээ.
Дашрамд сануулахад, төрийн өмчит компаниудад нийт 2.4 их наяд төгрөгийн авлага, зээлийн асуудал яригдаж буй.
