Монгол Улсын нийгэм, эдийн засгийн 2024 оны эхний 11 сарын үзүүлэлтүүдийг ҮСХ-ноос танилцууллаа. Тухайлбал, дундаж цалингийн үзүүлэлтээр нэг ажилтанд ногдох сарын дундаж цалин 2024 оны 3 дугаар улирлын байдлаар 2.5 сая төгрөг болж өмнөх оны мөн үеэс 23.4 хувиар өсжээ. Голч цалин 2 сая төгрөг байна.

Цалингийн үзүүлэлтийг салбараар нь авч үзвэл, уул уурхай олборлолтын салбарт ажиллагсдын цалин хамгийн их буюу 5.2 сая төгрөг байгаа юм. Харин байгууллагын хариуцлагын хэлбэрээр авч үзвэл, ТӨҮГ-т ажиллагсдын сарын дундаж цалин хамгийн их буюу 3 сая төгрөг байна.