Өнгөрсөн баасан гарагт хуралдсан УИХ-ын чуулганы хуралдаанаар Монгол Улсын 2025 оны төсвийн тухай хуулиудын анхны хэлэлцүүлгийг хийж, улмаар хоёр дахь хэлэлцүүлэгт шилжүүлсэн.

Тэгвэл өнөөдөр УИХ-ын нийт 9 байнгын хороо хуралдаж, Монгол Улсын 2025 оны төсвийн тухай, Нийгмийн даатгалын сангийн 2025 оны төсвийн тухай хуульд өөрчлөлт оруулах тухай, Эрүүл мэндийн даатгалын сангийн 2025 оны төсвийн тухай хуульд өөрчлөлт оруулах тухай хуулийн төслүүдийн хоёр дахь хэлэлцүүлгийг хийж, санал дүгнэлтээ Төсвийн байнгын хороонд хүргүүлэх юм.

Хамгийн эхэнд 09.00 цагт Аж үйлдвэржилтийн бодлогын байнгын хороо хуралдаж эхлэх товтой байгаа бөгөөд дараа нь Аюулгүй байдал, гадаад бодлогын байнгын хороо 10.00 цагт хуралдах юм.