Засгийн газраас орлого, зарлагыг нь тус бүр 33.5 их наядаар байхаар тооцоолсон алдагдалгүй төсвийн төслийг өчигдөр дахин УИХ-д өргөн барьсан. Тэгвэл Зам, тээврийн сайд Б.Дэлгэрсайхан "Нэг их наяд төгрөгийн өртөгтэй зам барих 8 төслийг танахаар" болсон талаар мэдээлэв.
Тэрбээр "Зам тээврийн яамны урсгал зардал, цалингаас бусад зардлыг 10 хувиар танаж байгаа. Шатахуун, гадаад томилолт бичиг хэргийн зардлыг 50 хувиар, 38 төсөл хэрэгжихээс 9-ийг нь хассан. Тэрэлжийн дөрвөн эгнээтэй зам, Дархан Алтанбулагийн дөрвөн эгнээ зам, Дадалын 59 км зам, Халх гол Хэрлэн тосгон гэсэн 69 км зам гэх мэт төслүүд хасагдсан. 8 төсөл хасахад 1 их наяд руу дөхнө" гэв.
