УИХ дахь ХҮН намын зөвлөл өнөөдрийн хуралдаанаар хэлэлцсэн асуудлуудынхаа талаар мэдээлэл өглөө. Зөвлөлийн дарга, УИХ-ын гишүүн Б.Найдалаа "Монгол Улсын Засгийн газраас Гашуунсухайтын төмөр замыг ашиглалтад оруулах талаар танилцууллаа. Улс төржилтийн улмаас олон жилийн хугацаанд төсөл нь гацаж, төмөр замаа холбох боломжгүй болсон. Үүнээс шалтгаалж олон тэрбум ам.долларын, их наяд төгрөгийн орлогоо алдсан том асуудал бий.
Зарчмын хувьд хэлцэлийг яаралтай хийгээд, улс төржиж талцахгүйгээр төмөр замаа холбох ёстой гэж үзэж байгаа. Улс төржсөний гайгаар яаралтай хэлцэл ч багадаа 2.5 жил шаардахаар байна. Төмөр замыг яаралтай холбож байж Монгол Улсын экспортын орлого нэмэгдэж, ДНБ өсөх боломж бүрдэнэ. Тиймээс төмөр замыг яаралтай холбох шаардлагатай гэж үзэж байгаа юм" гэлээ.
