Нийслэлийн хэмжээнд өвөлжилтийн бэлтгэл ажил 98.5 хувьтай байгааг Улаанбаатар хотын захирагчийн ажлын албанаас мэдээлэв. Энэ хүрээнд нийслэлийн долоон дүүргийн 43 агуулахад 82,500 тонн сайжруулсан шахмал түлшийг бэлтгэж, гурван маршрутаар 27 аж ахуйн нэгж байгууллага түгээлт хийж байгаа аж. Мөн шахмал түлш борлуулах 545 цэг ажиллаж байгаа юм байна.

Энэ жилийн хувьд шахмал түлшний үнэд өөрчлөлт ороогүй. Хүйтний эрч чангарахтай зэрэгцээд үнэ нэмэгдүүлэх тухай яригдсан ч энэ талаар "Тавантолгой түлш" ХК-иас үгүйсгэж үнэ нэмэгдэхгүй тухай мэдэгдэл гаргасан билээ. .