УИХ-ын чуулганы үдээс өмнөх хуралдаанаар төсвийн хүрээний мэдэгдлийн эцсийн хэлэлцүүлгийг хийж байна.

Энэ үеэр УИХ-ын гишүүн М.Нарантуяа-Нара "Та нар надаар "мишок" хийсээр байна. Чухал асуудал хэлэлцэх үеэрээ олны анхаарал татах хүмүүсийг "могойд барьдаг мод" болгочихоод, цаагуураа нарийн юмаа хэлэлцэж буйг АРД ТҮМЭН МЭДЭХ ХЭРЭГТЭЙ. АРХАГ ГИШҮҮД нь хүний амьдралын 20 жилтэй тэнцэх хугацаанд ПАРЛАМЕНТАД суучихаад, улсаа ч аятайхан болгоогүй сууж байна" гэх байр суурийг илэрхийлсэн бол УИХ-ын дарга Д.Амарбаясгалан "Хэлэлцэж буй асуудалтай холбоотойгоор асуугаарай. Бид дэгийн тухай хуулиа мөрдөх ёстой" гэх анхааруулгыг өгсөн юм.