Ховд аймгийн Мянгад суманд орших "Халзан Бүрэгтэй”-д газрын ховор элементийн ашиглалтын тусгай зөвшөөрөл эзэмшигч “Монголиан Нешнл рийр ийрт корп” ХХК-ийн хайгуулын үйл ажиллагааг нутгийн иргэд эсэргүүцэж жагсаал зохион байгуулсан.

Тэгвэл үүсээд байгаа нөхцөл байдалтай холбоотойгоор аймгийн Засаг дарга М.Амарсанаа хайгуулын үйл ажиллагааг нь зогсоосон тухай "ЗАХИРАМЖ"-аа танилцуулсан байна. Тус компани нь хайгуулын үйл ажиллагаа явуулахдаа зөрчил гаргасан болох нь эрх бүхий албан тушаалтны шийдвэрээр тогтоогдсон гэдгийг аймгийн Засаг дарга нь онцолжээ.