“COVID-19”-ийн халдвараас эдгэрсэн АНУ-ын Ерөнхийлөгч Дональд Трамп халдвар тээгч байхаа больсон гэж тус улсын төрийн тэргүүнийг эмчлэгч эмч Шон Конли бямба гарагт мэдээлжээ.
“Ерөнхийлөгч АНУ-ын Өвчнөөс урьдчилан сэргийлэх, хяналт тавих төвийн /CDC/ тусгаарлалтаас гарах шалгуурыг хангаж байна. Тэрбээр бусад хүмүүст вирус халдаах эрсдэлгүй болохыг зөвшөөрөгдсөн стандартын дагуу өнөө өглөө хийсэн “PCR”-ийн шинжилгээний хариу харуулж байна" гэж Конли мэдэгдсэн байна.
Бямба гарагт АНУ-ын Ерөнхийлөгч Цагаан ордны тагтнаас цугласан олонд биеийнх нь байдал маш сайн байгааг хэлээд вирусний эсрэг вакцинийг удахгүй бэлэн болгохоо амласан юм.
