УИХ-ын чуулганы үдээс өмнөх хуралдаанаар Монгол Улсын 2025 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийг УИХ-аар хэлэлцэх эсэхийг хэлэлцлээ.

Хэлэлцүүлгийн төгсгөлд УИХ-ын гишүүн Б.Жаргалан "Төсөв дагуулж янз бүрийн хууль баталдаг байдлыг одоо зогсоо. Ингэж яаруу сандруу явж байгаа хууль дотор Монгол Улсын татварын тухай хууль байна. Засгийн газар буюу дарга нарын үзэмжээр зарим аж ахуйн нэгжүүд татварын хөнгөлөлт чөлөөлөлт эдлэх нь" гэх байдлаар шүүмжлэлтэй хандсан юм.