Гэр бүл, хөдөлмөр, нийгмийн хамгааллын сайд Л.Энх-Амгалан УИХ-ын Нийгмийн бодлогын байнгын хорооны гишүүдэд салбарын эрхзүйн орчны шинэчлэл, 2024-2028 оны үйл ажиллагааны хөтөлбөрийн талаар танилцууллаа.

Тухайлбал, өнгөрсөн парламентаар баталсан Нийгмийн даатгалын багц хуулиар тэтгэврийг жил бүр инфляцтай уялдуулан нэмэгдүүлж, тэтгэврийг өвлүүлдэг болгосон билээ. Гэтэл нөгөө талд тэтгэврийн сангийн алдагдал асуудал үүсгэж болзошгүй байгаа талаар мэдээлсэн юм.

Энэ тухай тэрбээр мэдээлэхдээ, Нөхөн даатгалын тухай хууль, хөнгөлөлттэй нөхцөлөөр тэтгэвэр тогтоох, тэтгэвэр тогтоох дараалласан 7 жилийг 5 жил, жил өсгөн тооцох зэрэг популист шийдвэрийн хор хохирлоос болж тэтгэврийн санд 4.7 их наяд төгрөгийн алдагдал үүссэн" гэв.